راجستھان ‘گڈ گورننس’ میں ملک میں ایک لیڈر بن رہا ہے: گہلوت

جے پور، 21 اگست۔ راجستھان کے وزیر اعلی اشوک گہلوت نے ہفتہ کے روز کہا کہ ریاست انفارمیشن ٹیکنالوجی (آئی ٹی) کے میدان میں ترقی کر رہی ہے اور آئی ٹی کے کامیاب استعمال سے ہی ‘گڈ گورننس’ کے میدان میں ایک سرکردہ ریاست بن رہی ہے۔ گہلوت یہاں ‘راجستھان ڈیجی فیسٹ’ کی اختتامی تقریب سے خطاب کر رہے تھے۔ انہوں نے کہا، ’’سابق وزیر اعظم راجیو گاندھی نے آئی ٹی کے ذریعے جو دور رس خواب دیکھا تھا وہ ہمیں ترقی یافتہ ممالک کے برابر بنا رہا ہے۔ آج آخری صف میں کھڑا شخص بھی آئی ٹی کے ذریعے عوامی فلاحی اسکیموں کا فائدہ حاصل کر رہا ہے۔ گہلوت نے پچھلے تین سالوں کے ای گورننس ایوارڈ حاصل کرنے والوں کو بھی انعام دیا۔ اس کے ساتھ ساتھ اسکول اسٹارٹ اپ پروگرام اور رورل آئی اسٹارٹ پروگرام کے تحت 74 طلباء میں 41.15 لاکھ روپے کی ترغیبی رقم بھی تقسیم کی گئی۔ وزیر اعلیٰ نے تین ویب سائٹس ‘ویب مائی وے’، ‘سوٹو’ اور ‘راج سنبل’ کے علاوہ راجیو گاندھی یووا دوستا سمواد ایپ بھی لانچ کی جو عام آدمی کے لیے مفید ثابت ہوئی۔ اس کے ساتھ ہی ‘راجیو گاندھی سینٹر آف ایڈوانس ٹیکنالوجی’ کا افتتاح کرتے ہوئے گہلوت نے کہا کہ اس سے ریاست کے نوجوانوں کو مصنوعی ذہانت، سائبر سیکورٹی، روبوٹکس جیسے شعبوں میں جدید ٹیکنالوجی سیکھنے کا موقع ملے گا۔ دریں اثنا، گہلوت نے ہفتہ کی شام شری کرشنا جنم اشٹمی تہوار کے موقع پر منعقد شری گووند دیو کے جلوس میں شرکت کی۔ انہوں نے شری رادھا گووند دیو کی تصویر کی آرتی کی، جو بڑی چوپر پر مرکزی رتھ میں نصب تھی۔