PM مودی 21 اپریل کو لال قلعہ سے قوم سے خطاب کریں گے، گرو تیغ بہادر کے 400 ویں پرکاش پرو پر پیغام دیں گے

نئی دہلی. وزیر اعظم نریندر مودی 21 اپریل کو سکھ گرو تیغ بہادر کے 400 ویں پرکاش پرو کے موقع پر لال قلعہ سے قوم سے خطاب کریں گے۔ یہ اطلاع مرکزی وزارت ثقافت نے پیر کو دی۔ اس موقع پر وزیر اعظم مودی سکھ گرو تیغ بہادر کے 400ویں یوم پیدائش پر ایک خصوصی سکہ اور ڈاک ٹکٹ بھی جاری کریں گے۔ وزارت نے کہا کہ اس موقع پر 400 راگی (سکھ موسیقار) “شبد کیرتن” گائیں گے۔اس تقریب کا اہتمام وزارت ثقافت دہلی سکھ گوردوارہ مینجمنٹ کمیٹی کے اشتراک سے کرے گی۔ وزارت نے کہا کہ اس پروگرام میں کئی ریاستوں کے وزرائے اعلیٰ اور ملک اور دنیا کی کئی نامور شخصیات شرکت کریں گی۔ سکھ گرو تیغ بہادر کے 400 ویں پرکاش پرو کے موقع پر یہ پروگرام “آزادی کا امرت مہوتسو” کے تحت منعقد کیا جا رہا ہے۔