اجیت پوار ایک ‘احمق’ لیڈر، آدھا پاکستانی: سنجے راوت

پوار نے کہا تھا کہ کرکٹ میچ کو کھیل کے نقطہ نظر سے دیکھنا چاہیے اور جذباتی سیاست نہیں کرنی چاہیے۔ اس سلسلے میں پوچھے جانے پر راوت نے کہا، “وہ ایک احمق لیڈر ہے، وہ آدھا پاکستانی ہے، اگر اجیت پوار یہ کہتے ہیں تو اس میں پاکستانی خون بہتا ہے، یہ کسی محب وطن شہری کا طرز عمل نہیں ہے۔ اگر پہلگام (دہشت گرد) حملے میں جان گنوانے والے 26 لوگوں میں آپ کے خاندان کا کوئی فرد ہوتا تو آپ یہ نہ کہتے۔” پوار نے ہفتے کے روز کہا تھا کہ ہندوستان-پاکستان کرکٹ میچ کے بارے میں فیصلہ مناسب فورم پر لیا گیا ہے اور اس معاملے پر لوگوں کی مختلف رائے ہونا معمول ہے۔ پوار نے نامہ نگاروں سے کہا تھا، “ملک کی آبادی 140 کروڑ ہے، اتنے بڑے ملک میں کرکٹ میچ کو لے کر مختلف رائے ہونا فطری بات ہے۔ کچھ لوگوں کو لگتا ہے کہ چونکہ دونوں ملکوں کے تعلقات کشیدہ ہیں، اس لیے میچ نہیں ہونا چاہیے۔ ساتھ ہی کچھ لوگ اس کھیل کی حمایت بھی کر سکتے ہیں۔”