انجینئر ترقی یافتہ ہندوستان کی تعمیر میں کلیدی کردار ادا کرتے رہیں گے: پی ایم مودی

وزیر اعظم نریندر مودی نے پیر کو انجینئر ڈے کے موقع پر ٹیکنالوجی ماہرین کو مبارکباد دی اور کہا کہ وہ “ترقی یافتہ ہندوستان” کی تعمیر کی اجتماعی کوششوں میں کلیدی کردار ادا کرتے رہیں گے۔ یہ دن انجینئروں کے تعاون کو خراج تحسین پیش کرنے اور معروف سول انجینئر اور ایڈمنسٹریٹر ایم ویسویشورایا کی یوم پیدائش کی یاد میں منایا جاتا ہے۔ ‘X’ پر ایک پوسٹ میں مودی نے کہا، “آج انجینئر ڈے پر، میں سر ایم ویسویشورایا کو خراج تحسین پیش کرتا ہوں، جن کی چمک نے ہندوستان کے انجینئرنگ کے منظر نامے پر انمٹ نقوش چھوڑے ہیں۔ میں ان تمام انجینئروں کو دلی مبارکباد پیش کرتا ہوں، جو اپنی تخلیقی صلاحیتوں اور عزم کے ذریعے، اختراعات کو آگے بڑھا رہے ہیں اور مختلف میدانوں میں مشکل چیلنجوں کا مقابلہ کر رہے ہیں۔” انہوں نے کہا، ’’ہمارے انجینئر ترقی یافتہ ہندوستان کی تعمیر کی اجتماعی کوششوں میں کلیدی کردار ادا کرتے رہیں گے۔