ملک گیر ڈیجیٹل انقلاب جبل پور سے گونجے گا: جیوترادتیہ سندھیا

جبل پور/ بھوپال/ نئی دہلی۔ نئی دہلی میں آج نئی دہلی میں شمال مشرقی خطہ کے مواصلات اور ترقی کے مرکزی وزیر جیوتی رادتیہ سندھیا کی صدارت میں مدھیہ پردیش حکومت کے وزیر راکیش سنگھ، جبل پور کے ایم پی آشیش دوبے اور ٹیلی کام سکریٹری نیرج متل کی موجودگی میں مستقبل کے تقاضوں کے مطابق ہندوستان کے نوجوانوں کو ہنر مند بنانے کی سمت میں ایک تاریخی پہل کی گئی۔ اس موقع پر بھارت سنچار نگم لمیٹڈ (BSNL) کے بھارت رتن بھیم راؤ امبیڈکر انسٹی ٹیوٹ آف ٹیلی کام ٹریننگ اور دنیا کی چار معروف ٹیکنالوجی کمپنیوں ایرکسن، کوالکوم ٹیکنالوجی، سسکو اور نوکیا کے درمیان مفاہمت نامے پر دستخط کیے گئے۔ یہ تعاون ہندوستان کی ڈیجیٹل تبدیلی کو تیز کرے گا اور 5G، مصنوعی ذہانت/مشین لرننگ، نیٹ ورکنگ اور دیگر ابھرتی ہوئی ٹیکنالوجیز میں جدید ترین تربیتی پروگرام شروع کرے گا۔ یہ تمام تربیتیں جبل پور، مدھیہ پردیش میں واقع BSNL کے اعلیٰ تربیتی ادارے BRBRAITT میں منعقد کی جائیں گی، جس کی وجہ سے جبل پور ملک کے معروف ٹیک اسکلنگ مرکز کے طور پر ابھرے گا۔