آج ہمیں اچھا کام کرنے کے باوجود ووٹ نہیں ملتے: رجیجو

پارلیمانی امور کے وزیر کرن رجیجو نے بدھ کو سیاست کے گرتے ہوئے معیار پر تشویش کا اظہار کیا اور کہا کہ پہلے پارلیمنٹ میں ’’اچھی بحث‘‘ ہوتی تھی لیکن آج ایوان میں ’’بہت شور‘‘ ہے۔ انہوں نے یہ بھی کہا کہ لوگوں کی ذہنیت گزشتہ برسوں میں بدلی ہے اور اچھے کام کی تعریف کرنے والے بہت کم لوگ ہیں۔ انہوں نے کہا کہ میں نے گزشتہ چند سالوں میں سیاست میں تبدیلی دیکھی ہے۔ آج اچھا کام کرکے بھی ووٹ نہیں مل سکتے، اچھا کہتے ہیں تو کوئی سنتا بھی نہیں۔ رجیجو راشٹریہ سیوا بھارتی اور سنت ایشور فاؤنڈیشن کی طرف سے مشترکہ طور پر منعقد ایک تقریب سے خطاب کر رہے تھے، جس میں سماج کے لیے نمایاں خدمات انجام دینے والے سماجی کارکنوں کو ایوارڈ پیش کیے گئے۔ رجیجو نے کہا، سیاسی نقطہ نظر سے بھی سماجی نظام بہت بگڑ چکا ہے۔ جب ہم نوجوان ممبران پارلیمنٹ تھے تو پارلیمنٹ میں بڑے چرچے ہوتے تھے۔