شرد پوار دھڑے کے ایم پی امول کولہے نے اجیت پوار سے ملاقات کی۔

نیشنلسٹ کانگریس پارٹی (این سی پی) شرد پوار دھڑے کے لیڈر اور لوک سبھا کے رکن امول کولہے نے جمعرات کو یہاں ریاستی حکومت کے ہیڈکوارٹر منسٹری میں مہاراشٹر کے نائب وزیر اعلیٰ اور حریف این سی پی گروپ لیڈر اجیت پوار سے ملاقات کی۔ امول کولہے اور اجیت پوار کی اس ملاقات سے قیاس آرائیوں کا دور شروع ہو گیا ہے۔ کولہے نے بعد میں نامہ نگاروں کو بتایا کہ انہوں نے ملاقات کے دوران پونے ضلع میں ان کے لوک سبھا حلقہ شرور میں سرمایہ کاری کے دو بڑے منصوبوں پر تبادلہ خیال کیا۔ اداکار سے سیاستداں بنے کولہے نے کہا، “میرے حلقے میں دو بڑے پروجیکٹ ہیں، پونے-ناسک ریلوے لائن اور اندراانی میڈیسٹی جہاں ایک ہی چھت کے نیچے 27 قسم کے اسپتال قائم کیے جائیں گے۔ جب ریاست میں مہا وکاس اگھاڑی کی حکومت تھی، اجیت پوار نے ان پروجیکٹوں میں اہم رول ادا کیا تھا۔ تاہم، انہوں نے این سی پی کے کنٹرول کے لیے اجیت پوار اور ان کے چچا شرد پوار کی قیادت میں دھڑوں کے درمیان جاری کشمکش پر تبصرہ کرنے سے انکار کردیا۔ این سی پی پر کنٹرول کا معاملہ الیکشن کمیشن کے سامنے زیر التوا ہے۔ کولہے نے کہا، ”میں اس پر تبصرہ نہیں کر سکتا۔ میں اس عمل میں کہیں بھی شامل نہیں ہوں۔