پی ایم مودی یوپی کے شاہجہاں پور میں گنگا ایکسپریس وے کا سنگ بنیاد رکھیں گے۔

وزیر اعظم نریندر مودی ہفتہ کو اتر پردیش کے شاہجہاں پور ضلع میں گنگا ایکسپریس وے کا سنگ بنیاد رکھیں گے۔ 36,230 کروڑ روپے کی لاگت سے بننے والا یہ ایکسپریس وے مغربی اور مشرقی اتر پردیش کو جوڑے گا اور ریاست کو دہلی، ہریانہ اور بہار کے قریب لائے گا۔یہ اطلاع وزیر اعظم کے دفتر (PMO) نے ایک بیان میں بتائی ہے۔ گنگا ایکسپریس وے میرٹھ کے بیجولی گاؤں کے قریب سے شروع ہو کر پریاگ راج کے جوڈا پور ڈنڈو گاؤں تک جائے گا۔ یہ ایکسپریس وے پرتاپ گڑھ، سنبھل، بدایوں، شاہجہاں پور، ہردوئی، اناؤ اور رائے بریلی سے ہوتے ہوئے پریاگ راج پہنچے گی۔پی ایم او کے بیان کے مطابق، ایکسپریس وے صنعتی ترقی، تجارت، زراعت، سیاحت وغیرہ کو فروغ دے گا۔ اس سے خطے کی سماجی و اقتصادی ترقی کو بڑا فروغ ملے گا۔ دوسری طرف سماج وادی پارٹی کے سربراہ اکھلیش یادو نے پی ایم مودی پر سخت نشانہ لگایا ہے۔ انہوں نے کہا کہ “گنگا ایکسپریس وے پروجیکٹ مایاوتی جی نے شروع کیا تھا۔ بی جے پی مایاوتی کے شروع کردہ پروجیکٹ کا سنگ بنیاد رکھ رہی ہے”۔