17 اگست کو وزیر اعظم نریندر مودی بھوٹان کے دو روزہ دورے پر جائیں گے۔

نئی دہلی۔ وزیر اعظم نریندر مودی بھوٹان کے وزیر اعظم لوٹے شیرنگ کی دعوت پر 17 اگست کو دو روزہ دورے پر تھمپو کا دورہ کریں گے۔ وزارت خارجہ نے جمعہ کے روز ایک بیان میں کہا کہ اس دورے سے ظاہر ہوتا ہے کہ ہندوستانی حکومت ایک قابل اعتماد دوست اور پڑوسی ملک بھوٹان کے ساتھ اپنے تعلقات کو بہت اہمیت دیتی ہے۔
بیان کے مطابق ، مودی کا بھوٹان کے اس دورے سے یہ ظاہر ہوتا ہے کہ ہندوستانی حکومت مستقل طور پر اپنی ‘ہمسایہ فرسٹ پالیسی’ پر عمل پیرا ہے۔ اس دورے کے دوران ، مودی کی طرف سے بھوٹان کے بادشاہ جگمے کھیسر نامیئل وانگچک اور بھوٹان کے سابق بادشاہ جگمے سنگے وانگچک سے ملاقات متوقع ہے۔ مودی اس عرصے کے دوران بھوٹان کے وزیر اعظم لوٹے شیرنگ سے تبادلہ خیال کریں گے۔
ہندوستان اور بھوٹان کے مابین بہت اچھے اور دوستانہ تعلقات ہیں اور دونوں ممالک کا مشترکہ کلچر ہے۔ مودی کا یہ دورہ ہندوستان اور بھوٹان کے مابین باقاعدہ اعلی سطح کے باہمی روابط کی روایت کا ایک حصہ ہے۔