کرناٹک حکومت نفرت انگیز تقریر، آن لائن بیٹنگ کے خلاف قانون بنانے پر غور کر رہی ہے: سدارامیا

کرناٹک کے وزیر اعلیٰ سدارامیا نے ہفتہ کو کہا کہ ان کی حکومت نفرت انگیز تقریر کے خلاف قانون بنانے پر سنجیدگی سے غور کر رہی ہے۔ انہوں نے یہ بھی کہا کہ آن لائن بیٹنگ کے خلاف قانون بنانے پر بات چیت جاری ہے۔ وزیر اعلیٰ نے یہ بات یہاں تمام اضلاع کے ڈپٹی کمشنروں (DCs) اور تمام ضلع پنچایتوں کے سی ای اوز کے ساتھ دو روزہ جائزہ میٹنگ کے اختتام پر کہی۔ سدارامیا نے کہا، “میں نے کہا ہے کہ اگر کوئی نفرت انگیز تقریر کرتا ہے تو اس کے خلاف کارروائی کی جانی چاہیے۔ ہم اس کے خلاف قانون لائیں گے۔ حکومت اس پر سنجیدگی سے غور کر رہی ہے”۔ یہاں صحافیوں سے بات کرتے ہوئے انہوں نے کہا کہ نفرت انگیز تقاریر کرنے والوں کے خلاف سخت کارروائی کی جانی چاہیے خواہ وہ کتنے ہی بااثر کیوں نہ ہوں۔ ان کے خلاف فوجداری مقدمات درج کیے جائیں۔