سرپنچ قتل کیس میں تفصیلی تحقیقات کے بعد چارج شیٹ داخل: فڑنویس

مہاراشٹر کے وزیر اعلی دیویندر فڑنویس نے ہفتہ کو کہا کہ پولیس نے بیڈ کے سرپنچ سنتوش دیش مکھ کے قتل کیس میں بہت مکمل تفتیش کے بعد چارج شیٹ داخل کی ہے۔ انہوں نے یقین ظاہر کیا کہ مجرموں کو سخت سے سخت سزا ملے گی۔ مہاراشٹر کے کرمنل انویسٹی گیشن ڈپارٹمنٹ (سی آئی ڈی) نے جمعرات کو بیڈ ضلع کی ایک عدالت میں سرپنچ سنتوش دیش مکھ قتل کیس اور اس سے متعلقہ دو معاملات میں 1,200 صفحات پر مشتمل چارج شیٹ داخل کی۔ گزشتہ سال 9 دسمبر کو بیڈ کے مساجوگ گاؤں کے سرپنچ دیشمکھ کے قتل نے ریاست میں سیاسی طوفان کھڑا کر دیا تھا کیونکہ نیشنلسٹ کانگریس پارٹی (این سی پی) کے وزیر دھننجے منڈے کے قریبی ساتھی والمک کراڈ کو جبری وصولی کے ایک معاملے میں گرفتار کیا گیا تھا۔ بیڈ میں ایک پاور کمپنی سے مبینہ طور پر بھتہ وصولی کو روکنے کی کوشش کرنے پر دیشمکھ کو اغوا، تشدد اور قتل کر دیا گیا۔