آر ایس ایس سربراہ موہن بھاگوت چار روزہ دورے پر بھیونڈی پہنچے، عہدیداروں سے ملاقات کریں گے۔

راشٹریہ سویم سیوک سنگھ (آر ایس ایس) کے سربراہ موہن بھاگوت چار روزہ دورے پر مہاراشٹر کے تھانے ضلع پہنچے، جہاں وہ تنظیم کے ‘شاخوں’ کا دورہ کریں گے اور اس کے عہدیداروں سے ملاقات کریں گے۔ ایک عہدیدار نے جمعہ کو یہ اطلاع دی۔ آر ایس ایس بھیونڈی یونٹ کے سکریٹری وجے ولال نے کہا کہ بھاگوت بھیونڈی میں ہوں گے، جہاں وہ تنظیم کی شاخوں کا دورہ کریں گے اور کونکن خطہ کے عہدیداروں اور کارکنوں کے ساتھ میٹنگ کریں گے۔ انہوں نے کہا کہ آر ایس ایس سربراہ 26 جنوری کو ایک کالج میں قومی پرچم لہرانے کے پروگرام میں شرکت کریں گے اور طلباء سے خطاب کریں گے۔