کیجریوال کے کردار کی جانچ ہو رہی ہے: سی بی آئی نے عدالت کو بتایا

سنٹرل بیورو آف انویسٹی گیشن (سی بی آئی) نے ہفتہ کو دہلی کی ایک عدالت کو بتایا کہ مبینہ ایکسائز پالیسی گھوٹالہ سے متعلق بدعنوانی کے معاملے میں صرف وزیر اعلی اروند کیجریوال سے متعلق تحقیقات زیر التوا ہیں۔ عدالت نے دہلی کے سابق نائب وزیر اعلی منیش سسودیا کی عدالتی تحویل میں 15 جولائی تک توسیع کر دی۔ مرکزی ایجنسی نے عدالت کو بتایا کہ دیگر ملزمان کے حوالے سے تفتیش مکمل کر لی گئی ہے۔ خصوصی جج کاویری باویجا کے سامنے، سسودیا کے وکلاء نے کہا کہ ایجنسی نے سپریم کورٹ کو پہلے ہی مطلع کر دیا ہے کہ تمام ملزمین سے متعلق تحقیقات 3 جولائی تک مکمل کر لی جائیں گی۔ اس پر سی بی آئی کے وکلاء نے کہا کہ جون کے بعد نئے حقائق سامنے آئے ہیں اور وہ سپریم کورٹ کو اس سے آگاہ کریں گے۔ اسپیشل پبلک پراسیکیوٹر ڈی پی سنگھ نے عدالت کو بتایا کہ اس معاملے میں تمام ملزمین کے رول کی جانچ کی جاچکی ہے اور صرف کیجریوال کے رول کی جانچ باقی ہے۔ عدالت نے سسودیا کو اپنے پٹپڑ گنج اسمبلی حلقہ میں ترقیاتی کاموں کے لیے فنڈز جاری کرنے کی بھی اجازت دی۔ دریں اثنا، عدالت نے بھارت راشٹرا سمیتی (بی آر ایس) لیڈر کے. کویتا کے خلاف سی بی آئی کی طرف سے داخل کی گئی تیسری ضمنی چارج شیٹ کا نوٹس لینے کے پہلو کو جولائی تک ملتوی کر دیا گیا، کیونکہ اس میں کچھ غلط صفحات پائے گئے تھے۔ کویتا کی طرف سے ایڈوکیٹ نتیش رانا اور پی موہت راؤ پیش ہوئے۔